எல்லைகள்

உனக்கு மதிப்பு

தருகிறேன் என்பதன்

அர்த்தம் என்னை

தாண்டி செல்ல மட்டுமே

எனக்கான எல்லைகளை அல்ல 

அழகான மாற்றங்கள்

உயிர் காதல் குறைந்தது என்று

பெருங்குற்றம் கொண்டாய்

முன்நாளில்...

உயிர் நீ தான் என்று

உணர்த்திய போது

யார் நீ என்றாய்

இந்நாளில்...

எத்தனை மாற்றங்கள் அழகே உன்னிடத்தில்...

காதலாகி கசிந்தது

ஒருவித உன்னதம்
கண்டேன் உன்னிடத்தில் - ஏனோ

உறைந்து போனேன்
உன் உறவிடத்தில்...

காதல் மெல்ல
கரைந்து கசிந்தது
உன் காதோரத்தில்...

என் கவிதை பிறந்தது
உன் கண்ணோரத்தில்...p

போராட்டம்

நீ வேண்டாம்

என்ற அறிவின்

போராட்டத்தில்  மனது

கலந்து கொள்ள

மறுப்பதன் மாயம்

புரியவில்லை அன்பே

அது நீ இருக்கும்

இடம் என்பதாலா ?

ஆசைகள்

மனிதனின் மனதில்

கிடைக்காத ஒன்றின்

மேல் வரும் ஆசைகள்

எப்போதும் தனக்கு

சொந்தமான எதிலும்

வருவதில்லை என்றே

உணர்கிறேன் 

பாடல்கள்

விரும்பி கேட்ட

பாடல்களை எல்லாம்

என்னிடத்தில் இருந்து

விலக்கி வைக்கிறேன்...

உன் நினைவை

எல்லாம் அவை

மீண்டும் என்

நினைவில் நிறுத்துவதால்...

தனிமை

தனிமை கொடுமையானது

என்று வெறுத்தவள்

நான் தான் - ஏனோ

உன்னோடு இருந்த

பின்பே உணர்கிறேன்

தனிமை இத்தனை

சுகமானது என்று 

வாழ்க்கை

வாழ்ந்து பார்க்க 

கொஞ்சம் மாறுபட்ட

கண்ணோட்டம் மட்டும்

இருந்துவிட்டால்

வாழ்க்கை அழகானது தான்

உன்னால்

எழுத்துகளில்

 மட்டும் அல்ல ஏனோ
 
 எண்ணங்களும் பிழை பட்டு

கொண்டு இருக்கிறது...

என்னை நான் தேடிய போது

மனநிலையில் சிறிது
மாறுதல் கண்டேன்

பிறப்பின் பயன்
மறக்க கண்டேன்

பிரிவுகளில் மனதை
தொலைக்க கண்டேன்

செய்வது எல்லாம் சரிஎன்று
நினைக்க கண்டேன்

தேவைகள் இல்லாத
தேடல்கள் கண்டேன்

தேடியவற்றை தேவைக்குப்பின்
தொலைக்க கண்டேன்

இயல்பாய் முகம்கொண்டு
பேச கண்டேன்

இதயத்தை இறுக்கமாய்
வைக்க கண்டேன்

செல்லுக்கும் செயலுக்கும்
வேற்றுமை கண்டேன்

சொல்லியதெல்லாம் மற்றவரை
செய்விக்க கண்டேன்

மனிதன் என்னும்ஓர்
பிறவி கொண்டேன்

மனதிற்குள் மிருகமாய்
வாழ கண்டேன் 

மீண்டும்

மீண்டும் மீண்டும்

வருவதால் பெருமை

மட்டும் கொள்ளாதே

ஒரு முறை நிறுத்திவிட்டால்

மீண்டும் சரி

செய்து வர மனமொன்றும்

இருவழி சாலையல்ல 

தவறில்லை

வா என்று கூறும்

 முன்னே உன் வாழ்வில்

வந்ததால் போ என்றதும்

போய்விடுவேன் என்று

நினைத்து விட்டாய் போலும்

நினைத்ததில்

தவறில்லை

நிரூபிக்க நான் முயலவில்லை 

காலம்

ஆறிவிடாத காயம்

என்று ஒன்றும்

இல்லையடி...

ஆறுதல் கூட அவசியமும்

இல்லையடி ....

காலம் என்ற

மருந்து சரிசெய்யாத

காயங்களும் இல்லையடி ...

கடந்து வருவேன்

இனி

உயிர் வாழ முடியாது

 என்று நினைத்த

நாட்களையும் கடந்து

வந்துவிட்டேன்...


உன்னோடு வாழ முடியாது

என்பதில் பெருங்கவலை

ஒன்றும் இல்லையென்றே

எண்ணுகிறேன்