ஜனனம்

 உன் 

சிறு சிறு மாற்றங்களை

ஏற்று கொள்ள 

என்மனம் பெரிய 

பயணம் செய்கிறது - அப்போது 

இந்த மாற்றங்கள் 

எல்லாம் கவிதையாகிறது. 

அவ்வப்போது இப்படி

காயப்படுத்தி போ 

நான் கவிஞனாய் 

கரைசேரும் வரை. 

உண்மை

 சில நேரங்களில் 

எதார்த்தமாய் 

சிலரின் வாழ்க்கையில் 

எதிர்பாராத மாற்றங்களை

ஏற்படுத்திவிட்டு 

எளிதாய் மன்னித்து விடு 

என்று சொல்லி 

விலகும் போது உணர்வதில்லை

எதார்த்தத்தை சரி செய்ய 

எத்தனை வருடங்கள் ஆகும் 

என்று....

தரிசனம்

 மேகதூரிகையில் மோகம் தீர்த்து வெண்மதியும் மறைந்துவிட்டான்....

 காரிருள் மாய்த்து பேரொளி கொடுக்க கதிரவனும் வந்துவிட்டான்....

 ஏனோ என் விழிகளுக்குள் வாழ்ந்திடும் என்னவளின் தரிசனம் இன்னும் காணாததேனோ.....

சூழ்நிலை

 சில சூழ்நிலைகளை 

கடக்க முடியாது 

என எண்ணியே 

எண்ணங்களுக்கு எதிர்மறையாய் 

பல தூரம் கடந்து விடுகிறோம்...

அனுபவத்தின் முன் அனைவரும்

 மௌனமாகி போகிறோம் ...

காலச்சுவடுகள்

நீ நடந்து போகும்

பாதை எல்லாம்

என் மனதின்

தேடுதல் பணி

தொடர்கிறது...

 இது தேவதையின்

கால் தடம் என்று

கால சுவற்றில் பதிக்க

வாழ்க்கை

வாழ்க்கை வாய்ப்புகளை

வழங்க மறுத்ததுமில்லை...

கர்ம வினைகள் வாய்ப்புகளை

கலைக்க கருணை கட்டியதுமல்ல..

இது சரி என்று உறவுகள்

சொன்னாலும் ...

 இதுவே  சரி என்று நட்புகள்

சொன்னாலும்...

எதுதான் சரி என்று மனம்

குழப்பத்தில் நின்றாலும்...

 ஒரு நிமிடம் நிதானித்து

வாய்ப்புகளை வசப்படுத்தி

காலத்தை வென்றால்

அதுதான் வாழ்க்கை ...

(ஏ)மாற்றம்

சிலரின் ஏமாற்றங்களில்

மாறுகிறோம்

பலரின் மாற்றங்களில்

ஏமாறுகிறோம்

எல்லாம் இயல்பே 

நீயும் நானும்

உன்னை எதிர்பார்த்து

என்றும் நான்

என் எதிர்பார்ப்புகளுக்கு

அப்பால்  என்றென்றும் நீ 

சில நேரம்

என் கவிதைகளுக்கு

 கூட உன்

கண்களை வருடும்

வரம் கிடைப்பதில்லை 

நீ

நீ

என்பதில்

நிலைத்து இருக்கிறது

என் நிலை

இல்லாத நிமிடங்கள்